Kaban ni D_BystandeR: TAMBALANAN SA DAKBAYAN, GIKUNHURAN ANG KAPABILIDAD SA PAGTABANG???

Way kaso ug miubos ang "status" sa CCMC total ang mga empleyado nga dagko na ug sweldo kay gibasi sa ilang daghang trabaho kaniadto wa man kaha pagamyi. Ug usa sa nangusog nga dili angayang kabalak-an ang pagkunhod sa "status" sa ospital mao ang  iyang Bise Mayor nga si Edgardo Labella. Sa ato pa mahimo ug magtaghoy-taghoy na lang sila kay niminos na man ang ilang trabaho apan way problema kay wa man pakubsi ang ilang sweldo ug wa say gibalita nga gipang-taktak kay dyutay na man lang ang trabahong nahibilin. Sa ato pa - "tuloy ang ligaya." Apan ang naalkansi niini mao ang mga taga syudad kay imbis kaniadto dunay 300 ka mga pasyente nga ilang madawat karon 108 na man lang. Mao nay resulta sa kalaki ni Mayor Mike kay imbis mahimo unta  nga ma-repair pa ang CCMC building human sa linog ug dili sama kadako ang kwarta nga magasto aron pagpabalik sa iyang naandang operasyon, tungod sa iyang ambisyon aron ilhon siya nga  dunay abilidad nga makapabarug ug usa ka  dako kaayong ospital sulod sa iyang termino mao nga mag-antus ang mga masakiton ug maghuwat ug pila ka tuig  kon kanus-a  makakwarta si Mayor Mike. Apan duna na kunoy misaad didto sa Amerika ug mikabat ug P21M?

Footnote: This comment came out in connection with a Banat News headline, "Pag-ubos sa status sa CCMC dili kabalak-an."