ANG PAGKAMANGGIHATAGON

 kini ang tumong sa binuhat nga gitukmod sa pagmahiligong mopaambit sa uban.

maayo ug sinati kaayo siyang musubay sa nagkadaiyang agianan, mga lutsanan ug gawsanan. bisan pa sa kahagip-ot sa dalan, ang tanan iyang matultulan aron lamang ikapaambit ang kainit nga gihatag sa kinaiyahan..ang pagkamanggihatagon sa butang nga  sulundon sa tanan. 

"Oi Bentong nagluya ka man gud dinhi sa suok. Naunsa ka?" sukna ni Tekya.

"Sus kanimo Tekya, bisan ug giunsa na lang nako ug pagpasabot ang akong pagkamanggihatagon apan, wala man gyud ko nimo pasudla, wala paagia ug wala palutsa. Asa ko man kining tanan ipanghagad?" dala pagmahay nga pamulong ni Bentong.

"He, he, si Bentong baya, kadali ra gyud baya nimong manluod oi. Gisuwayan, lang tika kon wala ka ba mausab sa imong pagka ikaw. Salamat Bentong, napamatud-an ko na ang tanan. Hangtod karon, bisan pa sa atong pangedaron sa pagpangalarag, wala ka matay-og, andam gihapon ka nga manghatag sa imong kamainiton." dayong gakos ni Tekya.

"Salamat Tekya, dali magsugod na ta. Mabugnaw nya tong lugaw nga akong giandam. Unsaon nagdili dili pa gyud ka. Andam na to. Gilutoan tika. Mao na lang ni atong madalidali ug kaon, wala na tay ngipon."

Ug tuod man, gisaloan ni Bentong ug Tekya ang linugaw nga nagsabak sa kamainiton nilang gugma sa usag usa. (KATAPOSAN)