B U T I R I K

kini ang pagahikit-an kon modako, moburot ug mobusog  na  ang tiyan, makapabug-at,  dili ka mahimutang, imong  linihokan pinugngan.

sa babaye, ang pagbutirik sa tiyan mahimo kon maagian ug dili  tiawng handumanan,  magsugod kini ug turok human matisok, dayong hulma sa inunlan, 

sa mga   magpakakita ug kausabang lahi sa kasarangan, dili mo lamang mahibaw-an, muabot ang pagbutirik,  nga dili mo masabtan, dili mabalibaran.

Ang hunahuna kon mapasagdan sa kalaagan, magpatuyang, walay katin-awan   mobutirik usab kini,  kon  walay pihong padulngan,

mopakita  ug  dako, basdak sa  kahugot ug  hunahuna nga makaya pa ang buluhaton bisan kuyos na,  sama ni manoy,  wala nay umoy  magpabutirik na lang.