ANG PAG-ANTOS NI KRISTO

gipakatawo siya nga manluluwas,

gitaak ang pagsuway'ng nagabas-gabas,

ang pagkaharianon ba ipatigbabaw?

ang pag-antos ba angay'ng ipalutaw?

saksi kita'ng tanan sa talan-awong nagkaguliyang,

panghilabot, panipit, panapaw, pamintaha sa uban,

nanumbaling ba kita sa pagsilsil sa alimpatakan,

nga mugna lamang kining tanan sa kahuyang?

sa pagkamabaw sa atong pagtuo'ng gibarogan?

apan siya ang nangatubang ug nagpalansang,

siya nga mipalit sa dili maihap nga kasaypanan,

miula sa iyang dugo ug singot sa kalbaryo,

mibaswat sa palas-onon sa pagkamasalaypon,

ang pagkamaulipnon nato’s pagpakasala nga tawhanon,

kini ang dangilag sa kasakit nga iyang giduphan,

misangpit, ug mihangad sa langitnong amahan,

" DIOS KO, DIOS KO, NGANONG GIBIYAAN MO AKO?”

kini ang pag-antos ni Kristo.

KAHAYAG