Saturday, March 18, 2017

Y A N G O

YANGO

inamang nga pagsanong,
pagtubag nga walay pulong,
bantayanan ang pagyango,
sination nga dili ka maigo,
salabtonon kini nga buhat,
pailawom iyang pakiat,

ang pagyango, pagpayangoyango
ilabi na gayud ang  yangoyango,
lahi kaayo kaysa pagdukoduko..

sa pagduko ni dodong,
siya moingon ngadto ni Inday:

“Siyaro man sab kahingatogon na gud ana. Bisan na lang unta to ug mokihol lang ug tuhilon.” huyhoy ang abaga ni Inday Tekla.

 “Wa sa ta ron Day Tekla. Tan-awa, bisan pag titi-on, moduko lang gihapon." naghulat na lang si Noy Lumoy nga hukman sa panahon. Naghinan-aw sa layong unahan nga nagpamahit  samtang naghandom sa kabatan-on nga gibukutan na sa katigulangon.

samtang ang pagyango
ug pagpayangoyango, may makaingon,

“Ah, abe kog ugma na nato tiwason, ato pa diay'ng sigehon? Imo pa man god nang gipayangoyango." dala ang kahibulong sa mga pulong ni Day Digna ngadto ni Noy Tuhoy.

“Naunsa ka ba Digna, nakapamahaw man god ko’g bakasi. Tan-awa kusog pa kaayong mokisikisi.” hinambogerong tubag ni Noy Tuhoy nga nagngisingisi. 
Post a Comment

P A G A T A S

PAGATAS pagatas, pagatas,   sa init nga sabaw kini manghaw-as,   sa init nga hinigupay, ang gutom maluwas,   pangandam kini sa...