H A T A G

HATAG

mopakatag, mopakatap nga buhat,

may makahatag nga mura’g maahat

adunay hatag nga walay mag-aghat,

ang paghatag, usa ka dalaygon’g buhat

ang paghatag magikan sa sinugdanan,

may sangpotanan, may  panag-ingnan

 hatag nga motisok, sa gugma mobusog

daw daklit lang,  bata mogawas himsog

sa piniliay, ang pagpanghatag maghitak

waldas dito, waldas diri, sinsiyo mangatagak

hasta alak, ug daghan’g ilimnon ipanghatag

damgo ug gahom, kab-oton pinaagi sa hatag.

kon imong bulsa magluya, ayaw kabalaka

pakisamaha, lawas ug katarungan ang  gamita

pasabta, pahibaloa, ang katawhan ilailaha

barogi lang ang tinuod, nga dili ka manglingla…