T I L A

TILA

gilok, gil-as ug daw may manggimok,

kon sa pulong tila kita maghinuktok,

 kasagaran  ang dila ug tila gibugkos,

 sa  binuhatan nga kanunay’ng  nag-uros uros,

 ang tila galamiton sa mamainit,

  panagang kini kon may manguhit,

 mga mahilig motilaw, mga pilian,

sa tila,  may mga  binuhat mahimong kaintapan,

 mga sigurista,   tila himuong sukdanan sa nakita,

papait, tinab-ang, ug may minatamis nga pinangita,

 may butang nga  paninguhaong paubanan lang,

sa tila ug dila, nga dili mahimutang sa kalihokan,

 sa tila ikaw pahibal-ong haum ba’ng imong nakit-an,

hinog na bang pahimongtan’s kainit nga dili   kapugngan.