KAKULIAN SA LAWAS

may nagkadaiyang pagdibuho sa lawasnong kakulian,

kon kini mukuyanap ug musuol na sa galamhan,

latas sa panahon ug taas nga pangedaron,

mahimong suki sa kakuliang kinaiyanhon,

daghang hagwa sa kakulian ang bantayanan,

may makapakupos kon tam-is masubraan,

mubukal ang dugo kon karne sa lamisa sigihan,

subrang kitkit sa makaon gikan's ginhawaan

sakit sa lutahan, subrang himarat imong mata manglurat, subrang hago, dili magpapugong, sa ugat makapabughat,

pagkadaghan baya sa hisgotanan,

kon pagkaong bantayanan atong sumsoman,

niining nagkadaiyang panglawas nga kakulian,

anaa ra kanato ang pag-amping, likayan ang patuyang...

KAHAYAG