PAMITAY

PAMITAY

talan-awon sa panit nga naglanay,

nahutdan sa kabus-ok maong nangumbitay,

giingong ang pagkupos magdalag pamitay,

tabyogtabyog dinhi makita ang pamitay,

mas pamitay nga makita, may pamitay nga dili ipakita,

mga pamitay’ng sa mga mata  makapalugwa,

 si Inday moingon, 'Dong, naa pay ako diha?'

'Pasensiya Day, unsaon hago man tawon ko.' ni Dong pa nga nagtikongkong.

'Nahibulong man gud ko nga kanunay na man lang nang mamitay.' ni Inday Inday pa.

'Pasagdi lang sa Day, naa pa may sabaw, bisag nahutdan nas unod maau na lang ni.' ni Dong pa nga mitimbakuwas aron pag-init sa sud-ang nabuntagan.

Wala nay maluto pa nga hiniwa, lunlon higot na lang sa basiyong sudlanan sa sud-an ang nangumbitay. (katapusan)