BOKSING
dula nga linabayay ug kinumo,
pasingot, paugatay'ng makapayakmo,
dagha’g sangputanan, sagad ilong pislaton,
mga mata budlaton,
apapangig kubalon,
inutok ug inantigo ang pamoksing,
makapasarasay,
kini usab makapasaliring,
dangilag kini’s mga damgo’ng dili magpapukan
haw-as sa kalisod, kahayag sa ting-usbawan
may moinga, may makatiyabaw daw iring,
mga tumatan-aw, maghugyaw, magkayuring,
magkadusingot, mga
mata manglurat
mga pusta magpasad, sininggitay maghitak
pamoksing, maghatod ug minilyong kuwarta,
pamoksing magdala usab kini'g kabalaka,
pamoksing dili kabiyaan aron kabayran,
ang minilyong utang kon mahiagom ug kaparotan...
Comments