HINUGTANAY SA BAKOS

kon may bulsa'ng hinigta'g lanot,

tungod sa tihik ug pagkakuripot,

may pitaka usab nga suki sa buslot,

pagkagastador iyang ipabulhot,

kining tanan paglarawan sa pagkaut-ot,

kakulang sa paningkamot, makaut-ot,

kahigayonang giusikan, makaut-ot,

magsigeg panghuy-ab, daw may gipaabot,

kawot bisan dili katol, wala nay makutkot,

may tubigtubigan maglikay makit-an,

magtagotago, mahadlok mahuwaman,

angayan gayod tutukan ang matag lakang,

matag panghitabo may gimbut-an,

hinuktokan aron dili mahubuan,

hinugtanay sa bakos dili nato kalimtan…

KAHAYAG