Kaban ni D_BystandeR: GIKABALAK-AN KARON ANG PANGLAWAS NI PAPA FRANCISCO

Daghan ang nabalaka sa Roma sa dihang  gikansela ni Papa Francis ang iyang nadungog na kaayong pakigtagbo sa katawhan nga gikatakda sa buwan sa Hulyo sa mga adlawng Miyerkules ug sa wa niya pagtunga sa matag adlaw nga misa didto sa Casa Santa Marta diin siya nagpuyo. Kadaghanan sa mga tawo nga duna nay tiket para sa buwan sa Hulyo nagtuo nga ang maong pagkansela wa sa plano ug usa ka dinaliang paghukom.

Ang Santo Papa gitaho nga sukad sa iyang pagkatudlo sa maong kinatas-ang puwesto sa simbahang Katoliko niadtong Marso 2013 nakasinati siya ug pagpanambok (gain weight) nga miabut ug 20 ka libras (20 lbs.) ug may gikusgon na ang  iyang pagginhawa. Kining tanan wa makalikay sa mabinantayong reaksyon sa iyang mga suod nga tigpaniid diin ilang giaghat ang Santo Papa sa paghinayhinay (to slow down) sa iyang panglihoklihok. Kining mga kabalaka sa iyang panglawas nakasagmuyo sa mga tigpaniid sa dihang gikansela sa Santo Papa ang iyang mga tulumanon kaniadtong Lunes ug Martes human sa makasaysayanong pagbiyahi didto sa Holy Land ug sa pagkab-ot sa Peace Prayer uban sa mga mahinungdanong mga lideres sa Israel ug Palestina diin nakasugat ang Vatican Press Corps ug dili dyutayng kabalaka.

Si Papa Francis, diin usa na lang ka baga ang nagsustinir kay ang iyang lain nga usa ka baga gitangtang na man niadtong panahon nga siya batan-on pa tungod sa usa ka inpeksyon. Napanid-an nga gibati ug kakapoy si Papa Francis niining pipila ka semanang milabay. "Ang iyang nagsunodsunod nga balita sa pagpangapoy posible nga midis-og paingon ngadto sa usa ka matang sa problema sa kasingkasing nga sagad bation niadtong mga tawo nga dunay problema sa ilang baga," nagkanayon si Dr. Peter Hibberd ngadto sa Newsmax. Wa pay nadungog nga ang Santo Papa gipaubos sa paggamit ug "inhaler" o di ba sa paggamit ug "extra oxygen" aron paghatag ug kasayon sa iyang pagginhawa ilabi na tungod sa usa ka maigang nga kasinatian sa palibot sa Roma niining panahon sa ting-init (summer) apan ang panagna nagkanayon nga hayan gikansela ang iyang iskedyol sa buwan sa Hulyo kay aron dili maklaro sa katawhan ang bisan unsa mang gibati nga naghasol sa Santo Papa. Ang Vatican daw naghulagway pa nga ang Santo Papa anaa pa sa kaabtik sa iyang panglawas ug kaya pa niya ang bisan unsa mang gimbuhaton. Apan niadtong Domingo sa iyang pagbisita sa Sant Egidio charity sa Roma diin iyang gisagubang ang usa ka kusog nga pagbunok sa uwan aron lang pagpakigkita sa mga kabus didto, siya namahayag human sa maong kalihokan ug iyang giaghat ang katawhan nga gusto niya nga iuban siya sa ilang pag-ampo.

"My work is unhealthy, extraordinary work and I need your prayer," he said. Ug sa miaging semana sa dihang siya gipahibawo sa risgo nga iyang giatubang taliwala sa bagang duot sa katawhan nga wa siya mogamit ug "bullet proof" nga "sardine can" pope mobile sa usa ka interbiyo tali sa usa ka Spanish newspaper La Vanguardia, siya miingon nga iya nang gisalig sa Ginoo ang iyang kapalaran. "Tinuod nga dili kalikayan nga dunay wa paabuta nga panghitabo," mitubag ang Santo Papa. "Apan atong atubangon ang kamatuoran, sa akong pagtuo karon wa na koy kahadlok sa mga butang nga moabut pa tungod kay alang kanako sa akong pangidaron wa na koy kawilihan pa." ("But let's face it, at my age I don't have much to lose.").