K R U S

KRUS

simbolo sa pagpasakit,

subay sa dalang mangitngit,

labod sa mga latos,

gihabolan ug pag-antos,

gipatud-an, gipaagasan ug dugo,

naghingotas, nag-antos samtang nagduko,

'hangtod kanus-a man matapos?

hangtod kanus-a mapupos,

ang sumbanang gisimbolohan sa krus?

dili takos ang pagsud-ong lamang,

atong hinuktokan ang paghinulsol ug kabasolanan,

 tukma kining pagpangandam,

pagpas-an sa krus, dili lamang

kini IYA sa ato nang nailhan,

ato kining kaakuhan,

pagtamod sa balaanong pagtulon-an.'