H U B A G

HUBAG

talan-awong makapatingkag,

dali’ng makadapit ug pagtagad,

mga pangutana mabukhad,

magkalainlain ug hulma ang hubag,

lainlain ang mahimutangan

sa manghubag, may hubaghubag kay nakuyawan,

may napakong unya mahubagan,

samtang may hubag nga kon imong tutokan,

ikaw tugkan ug kahinam,

dili ka mahimutang, buot mong padul-an,

tugkaron ang hubag nga gikahinaman,

buot mong hikapon, daw mamitad aron usisahon,

hubag kining magpailaila,

manghagit kon ikaw makabuga pa...