Kaban ni Atty. J. B. Jimenez: ANG SUGBO' MO PADAYON GAYOD. . .

ANG SUGBO' MO PADAYON GAYOD. . .

I

Mapukan Man Ugaling Kanang Kampanaryo,

Nga Sad-onganan Sa Among Mga Damgo,

Mapulpug Man Kaha Bisan  Ang Karaan Nga Bato,

Ug Mapusgay ang Mga Pangandoy Sa Sugbo,

Apan Sa Kina-uyokan Sa Among Kahiamgo,

Mo Padayon Gayod Ug Dili Mag Panuko,

II

Bisan Pag Lugtion Ang Mga Talikala, Bali-on,

Nga Naga Amping Unta Sa Mga Pangandoyng Sugbo-anon,

Bisan Pag Ang Mga Tumong Ug Tinguha Pakyason,

Ug Kuso Kusohon Sa Mabangis Nga Hampak Sa Panahon,

Bisag Unsa Pang Urakan Nga Modangat, Atubangon,

Uban Sa Kaisog Ug Pag Ka Makanunayon.

III

Bisan Pag Isalikway Ug Kalimtan Sa Tanang Pilipinhon,

Ang Sugbo, Mobarog, Makig Bisog, Ug Maga Padayon . . . 

(Bug-os ang pasalamat sa  KAHAYAG  ngadto sa nagsulat sa  garay    nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK)