T A M B A L

TAMBAL

 alibyo, ayuda, alima,  resulta,

sa pag-amuma’ng mopakalma,

makapugong kini  sa paglamay,

makapakgang  aron sakit  dili molaygay,

panambal   mabuhat  sa mananambal,

madangpan  usab ang pulong panambal

ilabi na’g masakpan, ug dili ba  makalitan’g

manghinol ug  laing pakwan, iya kunong  tambalan,

albularyo ang tawag sa kinaraan,

tualya ikabiba, panyo ibulibod sa agtang

yamyam didto,  hunghong diri,

kinaraan, apan panambal usab  kini…

hubag, pangagod, kaspa, pangapoy,

mga ugat nga manglumoy, kanunay’ng lapoy

sa panambal ang tanan, hatagan ug kahimoan

maratsada, basta hitsas ka lang’s  panudlanan…

ang tambal ug mananambal managkauban 

maadlaw ug gabii, dili ka gayud atrasan,

mintras imong bulsa mahimo pang kapug-an

hangtod ikabaligya ug ikaprenda pa mga imong kabtangan…