Kaban ni Atty. J. B. Jimenez: DAMAN

D........A........M.........A.........N.........

Wala Ko Damhang Nakita ang Iyang Hulagway,

Mitabisay Diay Ang Akong Mga Laway,

Giduol Ko Siya Ug Unya Gitutokan,

Kabigot Sa Iyang Kalawasan,

Misamot Ang Akong Kahigwaos,

Haskang Kaibog Ko Naga Uros Uros,

Ako Siyang Giduol Ug Unya Kalit Gihagkan,

Ang Hamis Niyang Mga Kamot Akong Gigunitan,

Unya' Dayon, Gigakos Ko siya Sa Tumang Kahinangop,

Mibalos Man, Wa Ko Damha Sa Dakpng Kaaghop,

Unya, Nagka Dul-itay... Ang Among Mga Ngabil,

Nasil-ingan Ko Ang Dughan Nga Walay Tabil,

Nangurog Baya ang Akong Kaunoran,

Miinit Ang Tibuok Kong Kalawasan,

Daw Mibukal Ang Akong Pagbati',

Ang Mga Panuko Ko Nangalugti',

Akong Gi Hubo, Among Mga Sapot,

Unya Kagil-as, Kaiinit Mao Na'y Nagtapot,

Buot Na Nga Mo-ulbo Ang among Mga Pagbati',

Kakulba Ug Kahinam Mao sa Kalami Ang Daw Bugti',

Unya, Nagsunod Sunod Mga Hinanaling Mga Gininhawa'

Gisagolan sa Mga Agulo', Mga Utong Utong Ug Mga Utnga Utnga,

Unya, sa Kinapungkayan Sa Himaya.....Kalit Akong Nahiti-urok,

Sa Kinatung-an Sa Kopang May Dugos Nga Giyarok, Misurok,

Unya; Sa Akong Kahimalingka, Midayon Sa Kalit,

May Basa' akong Nahikapan Nga Init Init,

Nabasa' Diay Ako Sa Mga Luha',

Singot Nga Dala Sa Dako' Nga Kagalha',

Misiga ang Akong Mga Mata Ug Naka Ingon,

Daman Ra Man Diay Ang Nahitabo' Kanako Intawon,

Daman Ra Man Diay Ang Babayeng Maanyag,

Daman Ra Diay ang Among Panag Hibalag,

Daman Ra Diay Pinahulmang Himaya',

Daman Ug Daklit Diay Nga Kasaya,

Daman Ra Man Diay,

Daman Ra,

Daman.....

(Bug-os ang pasalamat sa  KAHAYAG  ngadto sa nagsulat sa  garay    nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK)