Kaban ni Atty. J. B. Jimenez: ADLAW SA MGA INAHAN....ALANG KANINYO, MGA NANAY
Taliwala Sa Halawom Nga Gabii,
Diin Ang Kangitngit Maoy Nagpasulabi,
Ang LalyLay Sa Usa Ka Inahang Masulob-on,
Mao La'y Nakabuak Sa Kahilom Ning Kagabhion,
Samtang Nag Duyan Sa Kamanghurang May Sakit,
Daw Suwab Sa Usa Ka Punyal Ang Nota Sa Iyang Awit.
Inahan Sa Kasakit Ug Sa Pag-antus,
KasingKasing Nga Kasubo' Ang Nagputos,
Inahan Nga Andam Mosagubang sa Mga Hagit,
Mapailobon, Mainantuson Nagpas-an Sa Mga Kapait,
Inahan Nga Tinalikdan Sa Mga Tawong Iyang Gisaligan
Nagpadayon Pag Alagad Sa Anak , Sa Gugma Niya Natingban.
Babagan Mo Man Sa Daghang Kanyon,
Ug Pugngan Mo Man Sa Iyang Buot Kab-oton,
Makigbatok Siya Kang Bisan Kinsang Labing Mangtas,
Dili Mahadlok Bisan Unsang Lawora, Andam Nga Molat-as,
Inahan Nga Puno' Sa Gugma, Pagpasaylo Ug Pagkamasinaboton,
Tugob Sa Kaaghop, Kalooy, Pagpakabana Ug Pagka Labing Maunongon.
Taliwala' Sa Gabiing Halawom,
Inahan Nga Kahayag Sa Dakong Dulom,
Nahimo Akong Isalikway Sa Tanang Mga Mabalhinon,
Ang Inahan Ko Lamang Ug Wala Nay Lain Nga Makanunayon,
Mabuak Na ang Kalibotan, Lunopan Na Ang Mga Tanang Kayutaan,
Ang Bugtong Magpabiling Nga Daw Estatuwa Sa Gugma, Mao Lang Ang Inahan.
(Bug-os ang pasalamat sa KAHAYAG ngadto sa nagsulat sa artikulo nga si ATTY. JOSEPHUS B. JIMENEZ. Usa siya ka kanhi Department of Labor and Employment (DOLE) Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN, kanhi Labor Attache ngadto sa mga nasod sa Malaysia, Kuwait ug Taiwan, magsusulat sa nagkadaiyang libro sa mga nagtuon sa kurso pagka abogado. Nagikan siya sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK kon LUNSAY NGA AMBAHAN SA MGA BISAYA SA FACEBOOK.).
(Bug-os ang pasalamat sa KAHAYAG ngadto sa nagsulat sa artikulo nga si ATTY. JOSEPHUS B. JIMENEZ. Usa siya ka kanhi Department of Labor and Employment (DOLE) Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN, kanhi Labor Attache ngadto sa mga nasod sa Malaysia, Kuwait ug Taiwan, magsusulat sa nagkadaiyang libro sa mga nagtuon sa kurso pagka abogado. Nagikan siya sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK kon LUNSAY NGA AMBAHAN SA MGA BISAYA SA FACEBOOK.).
Comments