K A L D E R O

KALDERO

lutuanan sa nagkadaiyang kan-onon,

himoong lat-anan, mga gahi palumoyon,

karne, isda, mga utanon, ilahugay,

may magkamuritsing, sa pag-ukay,

kini pabukalan, mga  lamas tilokon,

singot’s agtang, liog ug ilok patud-on,

galamitong kaldero dili gayud mahimutang

kini pagahikit-an  kon imong  kaldero  maghayang,

apan kon   tiyan  ug kusog haw-ang,

magping-it daw gipaitan sa  panyawan,

 nawong piyahokon ug  lusparon,

ulo kanunay'ng mag-aburido,

panan-aw sa palibot mag-alburoto,

singhag diri, singhag didto,

timaan kini mga amiga ug amigo,

nga adunay nakulban ug kaldero..