Kaban ni D_BystandeR: MAPASANGINLON SI MIKE???

Kini si Mayor Mike Rama wa nay makalabaw sa iyang gibuhat nga kusog kaayo mopasangil sa mga tawo nga kuno maoy nakaingon nga ang iyang CCMC hangtud karon wa pa gyung kabarug human sa hapit na dul-an sa duha ka tuig human siya mimando nga kini iyang ipaguba tungod kay magtukod siya ug moderno ug bag-ong ospital. Si Cong. Raul del Mar, kansang mga proyekto sama sa "flyover" iyang gihingusgan sa pagbabag nga maayo na lang unta to kay aron makatabang sa nagkagrabe nga problema nato sa trapiko dinhi sa syudad, iyang gipasanginlan nga kuno mipugong sa DOH (Department of Health) aron dili siya kahatagan ug pundo alang sa CCMC.  Hangtud si Cong. Bebot Abellanosa nga duna untay ipatukod nga building diha sa Labangon alang sa mga senior citizen nga dunay kabilinggan sa  panglawas, wa mahinayon tungod kay gihudlat kuno ni Mayor Mike ang  iyang kontraktor. Ug siya nagtuo nga kadtong mga tawo nga nanglabay ug bato sa mga trabahante sa kontraktor mga tawo to ni Mayor Mike. Basta mga proyekto gani nga gipangamahanan sa iyang mga kaatbang sa politika bisan pa ug kini dako kaayo ug ikatabang sa katawhan sa maong dapit iya dayong babagan ni Mayor Mike. Unya karon, siya maoy kusog kaayo nga mamasangil?

Footnote: This comment came out in connection with a column of Leo Lastimosa for The FREEMAN, entitled, "Lalis sa CCMC." It came out on March 30, 2015.

Comments

Popular Posts