HUNYO

ikaunom nga bulan sa tuig,

han-okanan sa daghang pasalig,

sa kaminyoon magpaalig-alig,

ang liso'ng gitanom, malaumon,

binubuan sa gakos nga maamumahon,

kining tanan iladlad, sa kadaghanan ipasiatab,

sabakon sa gastong makapasukarap,

bisan pa'g panudlanan nagpangapkap,

bulsa mabalit-ad ug alkansiya mangabuak,

ang tanan dili igsapayan, katumanan,

kapahungawan sa damgong tinan-ogan,

kakulbahinam mogitik sa kahiladman,

singot, hapyod, hangos nga tinagoan,

mga buhat nga nagikan sa higdaanan,

pahayagan, ipabuyang-ang sa kadaghanan

sa simbahan, si dodong ug inday mag-ambahan…

miabot na ang gipangandaman, ang gikahinaman…

ang pagpabarog sa tigbayon’ng dili kakomedyahan…

KAHAYAG