Kaban ni Atty. J. B. Jimenez: IPAHILUNA


I....P...A...H...I...L...U...N..A....


Ipahiluna' Ang Matag Huna'huna',
Ayaw Ipa-agi Sa Mga Hana' Hana',
Kay May Tukma Baya' Nga Luna',
Ang Matag Usa May Iya Nga Takna',
Dili Madala Sa Kalit Tagna' Tagna;,
Basin Baya Ang Matag  Mugna',
Maghugno' Lang Sa Usa Ka Hugna'.

Ipahigayon Gayod Sa Tukmang Higayon,
Aron ang Pangandoy Sa Katumanan Paingon,
Ayaw Pag Panagana, Ayaw Pag Ukon-Ukon,
Ayaw Pag Lingi-Lingi, Ang Tanan Ipahi-uyon,
Malisod Ang Pagsunod Walay Nindot Nga Sayon,
Bisa'g Ang Uban Supak Sa Gipaangayo Sa Panahon
Ipahiluna' Kon Unsa ang Tukma' Nga Pili-onon.

Ayaw' Baya Ug Ipa-agi Sa Dinali-Dali,
Kay Basin Pa'g ang Tanos Simbako Mabali,
Ayaw Pagbalibari Ang Tul-id, Ayaw'g Imakuli,
Kon Asa Man Ang Kinuha Gikan Adto Usab I-uli,,
Aron Ang Kadaugan, Nungka Kanimong Magdumili,
Ipahimutang Sa Tukma', Ayoha PagTan-aw Ug Paglili,
Ipahiluna', Ipahimutang, Sa Matag Gutlo, ayaw Pagdili dili.

(Bug-os ang pasalamat sa  KAHAYAG  ngadto sa nagsulat sa  garay    nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK)

Comments

Popular Posts