Skip to main content

Kaban ni D_BystandeR: BILIB NI SUPER BOB

Dinhi ra ko mo-bilib nimo, "Sir Bob," nga lupig pa man nimoy abogado kun mao nay motuki sa kaso sa "Balili-gate." Paminaw ko morag maglisud ug tubag si PJ sa imong mga pangutana ilabina sa imong gi-"cite" ang bahin sa balaod sa Local Government Unit. Hapit ko masud-ipi sa pagbasa nako gi-unsa nimo pagpaagi sa inantigo nga pasumbingay nga, "tuga-tugag palit ug yuta nga minilyon ang kantidad unya inigkahuman himoon lang diayng tugwayanan sa mga kanding, magbuhi ug mga wati ug bangus!" 

I tip my hat to your highly effective and smart comments! More power to "Sir Bob!"

(Bug-os ang  pasalamat sa KAHAYAG ngadto sa nagsulat niining  artikulo  nga si JOHNNY LOVE. Nagtakuban siya sa pangalan, "D_BystandeR".  Natawo siya sa Sugbo apan anaa na karon manimuyo sa Illinois sa tinipong nasod sa Amerika. Ang kusog nga koneksyon sa kasayuran pinaagi sa internet kanunayng naghaling sa iyang kadasig  pagtuki sa mga nagbukalbukal nga hisgutanan dinhi sa atong nataran. Usa siya ka magsusulat nga gradwado sa kursong komersiyo padulong sa pagka accountant sa University of San Carlos kaniadtong tuig 1961.  Nahimo siyang miyembro sa usa ka hugpong sa mga batan-ong magsusulat nga gitawag ug STUDENT PRESS.  Nahimo usab siyang   Associate Editor sa basahon  USC-JPIAN sa tuig 1962-63. Magtatampo usab siya isip magsusulat sa nasudnong magasin,  "Philippines Free Press" ug sa mga nag-unang peryodiko dinhi sa dakbayan sa Sugbo sa lunhaw pa ang iyang pangedaron. Nahimo siyang mamumuo sa usa ka pribadong kompaniya sa dakbayan sa Sugbo, ESCANO LINES, sulod sa napulo ug duha (12) ka tuig  dayon niyang tapon  ngadto sa NAPOCOR  ug nahimong kawani sa kagamhanan  sulod sa bayente dos (22) ka tuig. Niadtong tunga-tungang bahin sa tuig 2000, nilalin siya ngadto sa tinipong nasod sa Amerika ug sulod sa napulo (10) ka tuig, nagtrabaho siya sa  buhatan sa kagamhanan sa nasod sama  sa  UNITED STATES POSTAL SERVICE (USPS).  Karon sa pangedaron nga 67,  gihuptan gihapon niya ang walay pagkutat nga kadasig ug walay busganan nga kaikag sa pagpaambit sa iyang nahuptang abilidad  ug kabatid sa panulat.  Dili niya mapugngan ang kaugalingon sa pagpaambit sa iyang mga hunahuna labi na kon molambigit kini ug hisgotanan nga makadani sa iyang mga mata.)    


Comments

Popular Posts