G U B A T

GUBAT

pulong magdala'g kabalisa

balhibo nimo's  tingkoy maalsa

dili mahubit sa pulong ang mabasa

hasta presyo's  palaliton na pud mosaka?

tinuod, kon atong badbaron

ang gigikanan sa mga estoryahon

Syria,  Iraq, Libya, Afghanistan, Ehipto

ug karon North Korea na pud ang nag-alburoto?

kitang tanan, mangapagan,

kay lagi ang lana'ng gisaligan

gidugkal gikan sa mga nasod nga gikagubtan

sa kamerkadohan, katawhan maoy   dali'ng mahan-okan?

gubat, gubat, gubat, gubat,

daghan ang maaghat ug maahat.

sa Pilipinas, daw kanunay ang atong gubat

gubat kini sa  pangwarta ug pagahiay sa ugat

padak-anay sa bulsa,

sudlan sa binaril nga kuwarta

mga pinili, mga halangdon, kitang katawhan

patuohon nga masulbad ra kuno kining atong kalisdanan?

mao gyud kini ang kamatuoran

basta may gubat, gubot ang  padulngan

may gubat sa kahakog, sa  panaway  ug tulisok

lisod ang asenso,  kon gubaton ka’s katapolan ug  kataspok!!!