Kaban ni D_BystandeR: LAMDAGAN PA UNTA SI BOBBY

Basin pa ug lamdagan ni si Bobby sa maayong pangisip ug mohunong na siya sa iyang "walay pulos" nga pagdumot ni Tommy O ug iya nang ig-on si Mike sa mga palpak nga binuhatan nga nangalisbo sa kabaho tungod sa gasto nga paturagas diha sa mga seminar diin didto gipahigayon sa mga "plush hotels and expensive beach resorts" nga mikabat ug P11M ang nagasto gikan sa panudlanan sa syudad nga giila sa COA nga "extravagant spending" base sa ilang  mga sukdanan.

Unya mikabat pa gyud ug P53.1M ang  kapakyas sa pag-remit sa kontribusyon sa mga datahan sa GSIS ug Philhealth ug Pag-ibig. Ug duna pa gyuy P468.5M worth  of projects covered by 20 percent of Development Fund nga  wa matrabaho. Apan niingon si Vice Mayor Edgardo Labella nga way bali kay wa man usiki ang kwarta sa lungsod. But we are talking here of the "lost opportunity" of such magnitude where due to Mike Rama's inability and incompetence to undertake those projects within the allotted time frame he is now depriving the city in availing those projects which were already appropriately funded.

Ang nakaparat niini kay ang  "lost opportunity" nato mao nga ang wa matuman nga mga proyekto dili na nato mahimong buhaton pa tungod kay ang maong pundo itakli na man ngadto sa "General Fund" ug magkinahanglan na sab ug daghang "koskos balungos" aron mapalabang ang mga gimbuhaton aron maaprobahan ang mga proposed projects."

(Bug-os ang  pasalamat sa KAHAYAG ngadto sa magtatampo  nga si JOHNNY LOVE. Nagtakuban siya sa pangalan, "D_BystandeR".  Natawo siya sa Sugbo apan anaa na karon manimuyo sa Illinois sa tinipong nasod sa Amerika. Ang kusog nga koneksyon sa kasayuran pinaagi sa internet kanunayng naghaling sa iyang kadasig  pagtuki sa mga nagbukalbukal nga hisgutanan dinhi sa atong nataran. Usa siya ka magsusulat nga gradwado sa kursong komersiyo padulong sa pagka accountant sa University of San Carlos kaniadtong tuig 1961.  Nahimo siyang miyembro sa usa ka hugpong sa mga batan-ong magsusulat nga gitawag ug STUDENT PRESS.  Nahimo usab siyang   Associate Editor sa basahon  USC-JPIAN sa tuig 1962-63. Magtatampo usab siya isip magsusulat sa nasudnong magasin,  "Philippines Free Press" ug sa mga nag-unang peryodiko dinhi sa dakbayan sa Sugbo sa lunhaw pa ang iyang pangedaron. Nahimo siyang mamumuo sa usa ka pribadong kompaniya sa dakbayan sa Sugbo, ESCAÑO LINES, sulod sa napulo ug duha (12) ka tuig  dayon niyang tapon  ngadto sa NAPOCOR  ug nahimong kawani sa kagamhanan  sulod sa bayente dos (22) ka tuig. Niadtong tunga-tungang bahin sa tuig 2000, nilalin siya ngadto sa tinipong nasod sa Amerika ug sulod sa napulo (10) ka tuig, nagtrabaho siya sa  buhatan sa kagamhanan sa nasod sama  sa  UNITED STATES POSTAL SERVICE (USPS).  Karon sa pangedaron nga 68,  gihuptan gihapon niya ang walay pagkutat nga kadasig ug walay busganan nga kaikag sa pagpaambit sa iyang nahuptang abilidad  ug kabatid sa panulat.  Dili niya mapugngan ang kaugalingon sa pagpaambit sa iyang mga hunahuna labi na kon molambigit kini ug hisgotanan nga makadani sa iyang mga mata. Makadawat siya sa inyong mga hunahuna mahitungod sa iyang sinulat sa johnnylobedica@yahoo.com)