KILAY

KILAY

Kabahin kini sa talan-awong

Sagad magpaila sa mga  Inday,

Uban sa labyog nga linaktan

Malamaton nilang  tinan-awan

Modugang sa nindot nga talan-awon

Ikaw madala sa  mahagitong  pahiyom…

May kilay’ng baga,  may  pino

Mga kilay kini nga nagbalhibo

Selosa ug seloso mga amigo

Kon baga ang makita nimo

Putong kuno ang kilay’ng  pino,

Delikado ka’ng  mapinopino…

May kilay nga pinabadlis

Paitaas nga subra kanipis

Makig-indig kini  sa   mata

Sa subra’ng  galante mamustura

Kon tutokan, agoy kinuloran

 Sa patik,   diay kini gipaagian…

Nagkadaiya ang makita

Kon lainlaing kilay ang ipakita

Kon imong  makursunadahan

Sa kilay ikaw motikangkang

Sa imong pagsuta sa kamatuoran

Ikaw mabalisa,  sa kilay ikaw makalitan…

Sa dako nimong  kahingangha

Ang  nakadapit sa imong mata

Ang kurba sa kilay’ng nakapaisa

Sa manggihatagon nimong bulsa

Pagkakaraho,  ikaw naigo sa kilay

Sa kiaykiay, susama lang diay ni Inday.…