A W O M

AWOM

daw tulbok tan-awon, apan kon atong susihon,

alang sa matuo-tuohon, nagtangag ang matag awom

ug lawom nga  basahon,   awom sa ngabil tabian,

awom sa kamot, magbitbit ug   sudlanan kay kayuan,

malantip ang awom sa agtang, kapayason kon sa mata,

mga mahilig mangita ug guwapa, luhagan ra ba,

 bahala’g tigulang na kuno basta moaslom  pa,

sila ang nagpangitag awom nga motapot sa ilang mata,

kusog kaayong mobirig mangandoy’ng mahalin pa,

hambogero ang mangangkon'g awoman kuno’ng ilaha,

abtik magpaukay, magpakaykay sa pagsusi pa,

estorya estorya ug  laway ang gipamuhunan nila,

aron mga awom kahimoan ug hulagway

makapamata sa nagluya, dala pawala sa kalaay…