K U R I P O T

KURIPOT

talan-awon kon pinugngan ang makuot

sa nagdala ug salaping hinigtan ug lanot,

paborito niya ang lugaw ug sabaw,

hasta tinughong ug   tubig nga pinabugnaw,

maglakaw siya’ng magkupot sa bulsa,

maghilomhilom kon gastohan muabot na,

modayo’g balibad nga “wala sa ta ron”,

apan abtik pa’s manatad kon siya hagdon,

sa  kinan-anay, siya moingon, “Dili gyud  ko nimo kabalibad

kay makagaba ra ba ang pagdumili sa ipanghatag.”    

ang kuripot  atong ikakuyog apan dili ikauban,

lihay siya sa  gastohanan, kay lagi iyang salapi hinigtan…