S A Y A W

SAYAW

pahungaw kini sa  kultura,

pangutingkay sa nagkadaiyang sonata,

panagtagbo sa kinunsihal nga kinaraan,

ug naghitak nga  binag-ong kiat nga sinayawan,

 tsatsa, bogie, may papiit,  kuratsa ug uban pa,

may ambak-ambak ug malambuyog sa karsada,

dagko ang bayad kon manayaw ang adunahan,

alegre ang sayaw sa mga bulak sa baylehan, 

mga walay pares maghulat makidhatan,

sa sonatang sabakon sa  sayaw’ng  kuradang,

daghan ang madala sa nindot nga sinayawan

may makabunlot sa nagpangitngit nga edaran,

batan-ong kiat nga nakapunit nasud-ipan,

iyang natataw ang hungaw nga ngisi sa edaran,

 namintana ang pangag ug kunot nga iyang nakit-an,

 hala sayawi na lang,  aron dili ka matamparosan..