Kaban ni Atty. J. B. Jimenez: UNOS SA KAPALARAN. . . . UNDANGI NA INTAWON . . . .

October 25, 2012

Kaban ni Atty. J. B. Jimenez: UNOS SA KAPALARAN. . . . UNDANGI NA INTAWON . . . .

ANG IMO KANAMONG PAG SAKIT,

NING NASOD NGA NAG PING-IT,

SA TUMANG KAKABUS UG KAPAIT,

KANUS-A PA KAMI MALIPAY NGA HINGPIT,

MAKALINGKAWAS SA TUMANG KANGITNGIT,

NAHADLOK KAMI NGA MAHASANGIT,

ANG AMONG GIHANGAD SA LANGIT,

ASA NA KAHA KAMI MAMUNIT,

UG SARANG NAMO NGA IKA HUNGIT,

MGA ANAK NAMO NAGKABOLINGIT,

UG KAMI NAG ILAID SA PAGKA RABANIT,

HUNONG NA, KALOY-I KAMING MGA SINAKIT.

(Bug-os ang pasalamat sa KAHAYAG ngadto sa nagsulat sa garay nga si ATTY. JOSEPHUS B. JIMENEZ. Usa siya ka kanhi Department of Labor and Employment (DOLE) Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN, kanhi Labor Attache ngadto sa mga nasod sa Malaysia, Kuwait ug Taiwan, magsusulat sa nagkadaiyang libro sa mga nagtuon sa kurso pagka abogado. Nagikan siya sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK kon LUNSAY NGA AMBAHAN SA MGA BISAYA SA FACEBOOK)

Comments

D_Bystander said…

Usa niining kapasanginlan sa tumang kapait sa panginabuhi diha sa Pilipinas mao ang gibuhat sa kagamhanan nga pagpahamtang sa makabuktot nga balayranan sa buhis. Sukad lang gipahamtang ang 12% EVAT Law nga gimugna sa panahon ni Gloria Arroyo kalit lang nisaka ang bili sa mga palaliton. Ug karon kay wa pa man sila matagbaw lain na usab nga hut-ong sa buluhisan ang ilang nahunahunaan nga ipahamtang sa mga kabus pinaagi sa gitawag nga "sin tax bill" nga gipangamahanan ni Sen. Mirriam Santiago nga nagtinguha nga makahipus ang kagamhanan sa makabungog nga P60B. Si Sen. Recto, kang kansang komite maoy gitugyanan sa pagtuon kun angayan ba o dili ipalusot ang gimugna nga buluhisan igo lang nakaabut sa P15B human sa makuti nga pagtuon. Apan tungod kay si Recto napuno sa mga panghimaraut niadtong mga tawo nga maoy nagpaluyo sa maong buluhisan, miluwat sa iyang katungdanan kay gusto siyang magpapuli sa iyang pwesto kay di na niya matulon ang pagpahamtang sa sobrang buhisanan. Ang panghimaraut ngadto kang Recto nakatandog sa konsyensya ni Sen. Enrile nga maoy kasamtangang Presidente sa Senado ug siya namahayag nga duna siyay nadiskubrehan nga salapi nga gisabwag gikan sa Amerika sa usa ka grupo nga gipangulohan ni Mayor Bloomberg sa New York City nga giila nga lider sa "Anti-smoking advocacy group" nga nag-apod-apod sa kantidad nga $4.9M ngadto sa mga nagkalin-laing ahensya sa kagamhanan ug sa mga "NGOs" nga karon maoy klaro nga nangusog aron ipalusot ang makabungog nga buluhisan. Kun molusot ang maong buhis hayan nga ang mga kabus tungod kay di na man makapalit ug "beer grande" tungod sa kamahal modangup na lang ug palit ug tuba kana kun duna pay makuot nga sarang ikatangway ug tuba gikan sa mga manananggot. Ug ang manigarilyo usab mobalik na lang ug palit ug tabako nga dinahon nga maoy himuong tinustos nga daladalaon sa ilang bulsa bahala na ug manimahong tiguwang. Hehehe! Wa na gyuy lugar nga makapang-"checks!"

October 25, 2012 at 8:26 AM