MISA DE GALLO

mga damgo ug tinguha gipabilo,

misa pangandam sa pagkatawo

ni Kristo nga atong ginoo,

katawhan sayo'ng motimbakuwas,

kadaghanan magwalay waswas,

walay panudlay'ng mag-ambahan,

makapatuyhad lang sa binarogan,

wiriswiris nga panguros pagahikit-an,

kadaghanan sa pagdinali, walay hilam-os,

may magdukaduka samtang mag-ampo,

hinikyaray's pasalamat ug pangaliyupo,

mangindahay ug kaayohan sa pasko,

hangpon kini sa init nga puto,

sikwateng gibatirol mapalit ug sinsiyo,

misa de gallo, timaan sa pagkakristiyano.

KAHAYAG