Kaban ni Atty. J. B. Jimenez: HUGOT

I

HUGOT NGA HIGOT SA LAWAS NGA BIGOT,

HUGOT NGA GAKOS SA MINAHAL NGA KELOT,

HALOS DI MAKA GINHAWA SA KA HUGOT,

NAGLAKRA ANG HIGOT SA IYANG KALAGOT,

NAG MUD-OK ANG NAWONG SA DAKONG KAPUNGOT.

II

HUGOT ANG KASUKO' UG SA KAYUGOT,

WAY LUAG LUAG ANG DUGHAN SA KALIGOTGOT,

HUGOT ANG PAGTOO NGA ANG GIPANGAYO, ITUGOT,

BISA'G LISOD ANG PAG PATIGHULOG SA LUGOT,

HUGOT ANG PAG AMPO' NGA UNTA' MAKA SIMHOT,

SA BULAK NGA HUMOT, BISA'G WALA'Y NAHOT.

III

HUGOT ANG PANAGLAMBIGIT SA DAKONG KAHIMUOT,

DILI MALAKSI ANG GIBUGKOS SA GAWASNONG BUOT,

HUGOT ANG BAROGANAN SA TANLAG UG PANIMUOT,

UG SA KASINGKASING NGA MAY PAGLAUM NGA HUGOT,

HUGOT ANG PANGINDAHAY NGA ANG DAMGO MAKAB-OT,

BISAG LISOD MAKA KUOT, UGAPING SA LANGIT, MA-ABOT.

(Bug-os ang pasalamat sa  KAHAYAG  ngadto sa nagsulat sa  garay    nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK)