NAUPAW NA INTAWON KO DAY

Ang pulong paghinuktok, nagpasabot nga walay imik, walay pupamilok ug walay pagpanginlabot sa kasikas sa iyang palibot.  Ang makita ug masud-ongan nato sa binuhat nga maghinuktok, subra kalawom ug daw wala nay kinutobang kamingaw ang paghinuktok.

Usa ka adlaw niana, gibuak ang kamingaw sa paghinuktok ni Peryong.  Edaran na si  Peryong apan maayo gihapon kaayong mamostura.

“Peryong,   pagkagarboso na gud nimo. Mura ka man lang ug wala makakita nako.” tugaw ni Golda ni Peryong. Gisikitan niya si Peryong aron makahir niya ang pagtagad niini.

“Day Golda, pasayloa ko sa akong paghinuktok ug wala nako pagka-alinggat dayon nimo. Nahutdan na lang gyud ko sa pulong alang kanimo.” tubag ni Peryong.

“Yong, sayod ko nga maayo ka mobulatik. Okey ra ko oy.” ni Golda pa nga mas nibaiid ngadto ni Peryong.

“Naghinuktok lang ko Day Golda.”

“Ngano man diay?”

“Wala ka kakita? Nahurot na intawon ug larot sa akong asawa nga si Dabiana akong buhok sa iyang pagkaselosa. Kon masakpan pa ko ron niya nga makig-estorya nimo. Maduklan na gyud ko. Sori ha. Naupaw na ko. Dili na ko gusto maduklan pa.” ni Peryong pa dayong barog palayo ni Golda.

“Ngee, mao diay’ng opaw na si Peryong” nahabilin si Golda nga namulong ug nalingaw sa iyang nadiskobrehan samtang nagsud-ong sa upaw ni Peryong. (KATAPUSAN).