PATUYANG

buhat nga nagpasabot ug paghinubra,

walay pagmatngon kon nagsubra na,

walay pagpanumbaling kon puwede pa

ang pagpatuyang mahitabo ni bisan kinsa.

daghan ang hinungdan sa pagpatuyang,

adunay mga kiatan'g magsige ug patuyang,

 adunay kinaiyang mahilig magpatuyang

ang pagkamapasagaron,  usa ka pagpatuyang.

kon ikaw ang magpatuyang dili mo mahibaloan,

basta kini makapatagbaw  ug  makapalipay lang,

bisan nangunot ka na sa higtanan  sa  pagkaedaran,

dili mo kini hisayran basta makapahungaw  lang

sa buhat nga dili matalikdan ug wala kay liatan,

 sayon-sayonon  ang paghulma'g dugang kaliwatan,

walay pagtagad sa padulngan basin ug makasab-an, 

ang magdako hunahuna na lang,  ug  sa higdaanan,  

MAGHAYANG  NA LANG!!