MENSAHE ALANG SA PASKO 2012

Nanaygon, nanimpalad kay lagi pasko

malipayong pagsaulog sa pasko kanatong tanan,

giingon,  ang lintunganay, dugukan ug kasaulogan

sa pasko magikan gayud sa lunsay nga kahiusahan

dili  pagpakaaron ingnon, apan kinuptanay sa tanan

ang mga gutom pakan-on, ang giuhaw paimnon, 

ang hubo  dawaton, pasudlon aron makapasilong

likayan ang pagtutok aron dili ka  bwenggeton,

sapotan,  hatagan ug ilisan aron dili panuhoton

ang kalipay sa pasko

may manaygon, may  manimpalad kay lagi pasko

apan may mapungot  kay makapahurot sa sinsiyo,

ang pinakamaayo, isalikway ta ang mga bagotbot,

bisan  ug atong bulsa alimuot ug nawong kulismaot

kadasig sa bag-ong tuig

anaa sa pagbuhat ug minaayo sa isig ka tawo sambogan ug respeto, pamatasan ug  hinatagay

dili lang tagay, ang ipatigbabaw aron walay sarasay

kadasig sa pagpaabot sa bag-ong tuig, ipatunhay.