BUHOK
tulukibon ug dili sayon,
kon buhok atong galmon,
itom ug baga kon batan-on pa,
puti ug nipis kon hamtong na,
pasagdan na lang kon sa kuwarta
mahutdan na….
ang kabag-on ug kanipson,
sa buhok nga sudlayonon,
lakip ug kabahin kini sa
buluhaton
sa atong mga inadlaw-adlaw nga tulumanon….
lain-laing buhok ang mahisgotan
mga kinuluran, may giligid sa
uban
may gitaptan ug daghang lusa ug
kuto
ampay kini’s mga tsismosa’ng manghinguto….
sagad masentro ang buhok,
sa mga matang mahilig manutok,
tiaw mo bay hasta pahak, kini
masakpan
ang buhok salamin sa tawong may
gialagaran….
May buhok nga simhotonon,
Lumoy’ kini natong hikapon,
Hapsay ug makadani
ang alimyon
Buhok kini sa adlawan, nga
mahigalaon….
May buhok nga singohonon,
Labaw pa sa simhot kon hangpon,
Nagdala kinig kainit sa
kagabhion kagubtan,
Paborito, kinaham ug ilogan
sa mga sungkaban….
Kini ang buhok nga tinagoan
kulot ug nipis kini natong pagahikit-an,
Ug may pipila'ng pagpaupaw
ilang tuyoan,
Buhok kini sa kahiladman, buhok nga tinan-ogan….
Comments