KUWARTA

KUWARTA

kuwarta, kuwarta, kuwarta,

butang kining makapabalaka,

makapahiusa, makapausab sa kinaiya,

kon kuwarta mohatod sa kalamposan,

kini magdala usab ug   kaparotan,

kuwarta ug gugma ba managsama?

prinsipyo ug respeto mapalit  ba sa kuwarta?

may mga mata'ng magsiga,

maghinuktok, huyhoy ug abaga,

haw-ang ug mingaw diay ang bulsa,

pamahaw, paniudto ug panihapon,

kining tanan,  kanunay na lang handumon,

may makapangawot ug dili katol,

nahutdan bisa’g diyot, lisod hastas pamurol,

sa kakulang,  daghan ang dili mahinultol,

may pipilang magsalimuang,

sa kuwarta sila halos matabunan,

kuwartang pinaspasan maoy ilang gisaligan,

sa tanlag ug konsyensya sila pagahukman,

mamingaw'ng halwa ilang padulngan.