Kaban ni D_BystandeR: ANG BANGI NGA NAGUMIKAN SA TAYTAYAN???

Wa kong kasabut ining tawhana?! There's an old saying which says, "A bird in your hand is better than two birds in the bush." Ang langgam kuno nga imo nang nadakpan ug anaa na sa imong kamot mas maayo ikumparar sa duha ka buok langgam nga tua pa sa kakugnan ug imo pang dakponon. Dinhi nimo maila nga wa gyud siyay paglaban alang sa kaayohan sa syudad sa Sugbo. 

Dako kaayo ang kahago nga gigugol ni Congressman Raul del Mar sa mga makuti nga preparasyon ug sa dili maihap nga pag-"follow-up"didto sa Manila aron lang maaprobahan ang maong proyekto mahitungod sa pipila ka "flyover" nga mikantidad ug P2.4 billion unya sa dihang ang pag-endosar na lang maoy kuwang nga ug buot hunahunaon "ministerial" na lang para ni Mike Rama apan wa lang gihapon siyang kasabut kay sa iyang  hunahuna kun mahimo na unya ang maong proyekto ug makita na sa katawhan dili man iyang kredito ang ilhon sa katawhan kon di adto ni Congressman Raul del Mar. Pagkatoytoy!!!



(Bug-os ang  pasalamat sa KAHAYAG ngadto sa magtatampo  nga si JOHNNY LOVE. Nagtakuban siya sa pangalan, "D_BystandeR".  Natawo siya sa Sugbo apan anaa na karon manimuyo sa Illinois sa tinipong nasod sa Amerika. Ang kusog nga koneksyon sa kasayuran pinaagi sa internet kanunayng naghaling sa iyang kadasig  pagtuki sa mga nagbukalbukal nga hisgutanan dinhi sa atong nataran. Usa siya ka magsusulat nga gradwado sa kursong komersiyo padulong sa pagka accountant sa University of San Carlos kaniadtong tuig 1961.  Nahimo siyang miyembro sa usa ka hugpong sa mga batan-ong magsusulat nga gitawag ug STUDENT PRESS.  Nahimo usab siyang   Associate Editor sa basahon  USC-JPIAN sa tuig 1962-63. Magtatampo usab siya isip magsusulat sa nasudnong magasin,  "Philippines Free Press" ug sa mga nag-unang peryodiko dinhi sa dakbayan sa Sugbo sa lunhaw pa ang iyang pangedaron. Nahimo siyang mamumuo sa usa ka pribadong kompaniya sa dakbayan sa Sugbo, ESCANO LINES, sulod sa napulo ug duha (12) ka tuig  dayon niyang tapon  ngadto sa NAPOCOR  ug nahimong kawani sa kagamhanan  sulod sa bayente dos (22) ka tuig. Niadtong tunga-tungang bahin sa tuig 2000, nilalin siya ngadto sa tinipong nasod sa Amerika ug sulod sa napulo (10) ka tuig, nagtrabaho siya sa  buhatan sa kagamhanan sa nasod sama  sa  UNITED STATES POSTAL SERVICE (USPS).  Karon sa pangedaron nga 68,  gihuptan gihapon niya ang walay pagkutat nga kadasig ug walay busganan nga kaikag sa pagpaambit sa iyang nahuptang abilidad  ug kabatid sa panulat.  Dili niya mapugngan ang kaugalingon sa pagpaambit sa iyang mga hunahuna labi na kon molambigit kini ug hisgotanan nga makadani sa iyang mga mata.)


Comments

Popular Posts