SAKSI
SAKSI
Nagkadaiya ang saksi,
Bisan unsa ug kinsa mahimo'ng saksi,
Kon talaan sa saksi kita magpakisusi
May mangahadlok mahibaloan'g saksi
May kusog moipsot, idlas pa’s bakasi,
Ang orasan saksi'ng amang sa nagpaabot,
Higdaanan saksi’s gugma’ng nagpasingot,
Ang kalaay saksi sa saad nga wala muabot,
Imnanan saksi sa natumbang paningkamot
Daghan pa kaayong saksi’ng dili nato mahurot
May butang nga tinuyo'ng pangitngitan,
Dili ipadaylang ug ipakita sa kadaghanan,
Buhat kini nga kon masaksihan, matutokan
Matugkan ka’g buwinggit nga hilabihan,
Ang saksi buhat nga magdala ug kasayuran.
Comments