Kaban ni Atty. Josephus B. Jimenez: NGANONG MAGPA PILI KA.....????

NGANONG MAGPA PILI KA.....????

i
Unsa'y imong katungod Nga Motanyag,
Unsa'y Kamatuorang Imong Gitangag?
Kaligdong Ba Among Ikahibalag ?
O Ikaw Lang Kanamo Magbungkag?

ii
Hain Man ang Imong Mga Laraw ?
Nga Tubag Sa Katimawa Ug Kakuraw,
Dala Mo Ba Ang Hait Nga Baraw,
O Kahayag Sa Among Pag Duhiraw?

iii
Dili Ba Ikaw Ang Mabudhion,
Nga Nag Baligya Sa Atong Nasyon,
Dili Ba Ikaw ang Tang-ang Masupilon,
Nga Katalagman ang Isugilon.

iv
Nganong Magpapili Ka Isip Kandidato?
Unsay Ika Halad mo Sa Tawo?
Dili Ba Ang Mga Tumong Lamang Nimo?
Ang Imong I-seguro?

v
Na-ilad Mo Na Kami sa Makadaghan,
Milyones Na Ang Bahandi Sa Kagamhanan,
Nga Imong Gihakot Ug Gitagu-an,
Hunong Na Intawon Sa Imong Pagka Kanahan.
NGANONG MAGPA PILI KA.....????


(Bug-os ang pasalamat sa  KAHAYAG  ngadto sa nagsulat sa  garay    nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK)

Comments

Popular Posts