Kaban ni D_BystandeR: PAMOLITIKA???

Bebot Abellanosa
Tungod sa naghingapin nga paninguha ni Mike Rama nga kasublian siya sa iyang termino sa pagka-Mayor sa syudad sa Sugbo, hapit na lang niya ihurot ug bubo ang kwarta sa panudlanan sa syudad aron siya ilhon nga maayong tawo nga miresulta sa kabangkaruta sa syudad nga mikabat ug duolan sa P400 milyones. Mga nag-unang balayranan mao ang utang sa  mga eskuylahan nga maoy midawat sa mga estudyante nga giilang mga  iskolar sa syudad. Apan buot niyang ipatigbabaw nga dunay kwarta ang syudad nga andam ibayad ngadto sa mga eskuylahan apan ang problema lang kay matud pa niya mao ang kakuwang sa mga papeles nga rekisitos aron sila kabayran. Apan si Bebot Abellanosa nga tag-iya sa Asian College of Technology (ACT) namahayag nga ang utang sa syudad ngadto sa iyang eskuylahan mikabat na ug kapin sa P100 milyones nga sulod sa duha ka tuig wa pa kabayri. Ug ang nakaparat kay karong bag-o ang maong eskuylahan  wa na hatagi ug bahin sa mga estudyante nga angayan untang dawaton sa Asian College of Technology (ACT) ug kini tungod sa mani-obra ni Mike Rama. 

This is a double whammy for Bebot not only that the city government of Mike Rama is not paying the city's accrued debts he also excluded the school of Bebot Abellanosa from accepting the enrollment of city's scholars for the year 2013.



(Bug-os ang  pasalamat sa KAHAYAG ngadto sa magtatampo  nga si JOHNNY LOVE. Nagtakuban siya sa pangalan, "D_BystandeR".  Natawo siya sa Sugbo apan anaa na karon manimuyo sa Illinois sa tinipong nasod sa Amerika. Ang kusog nga koneksyon sa kasayuran pinaagi sa internet kanunayng naghaling sa iyang kadasig  pagtuki sa mga nagbukalbukal nga hisgutanan dinhi sa atong nataran. Usa siya ka magsusulat nga gradwado sa kursong komersiyo padulong sa pagka accountant sa University of San Carlos kaniadtong tuig 1961.  Nahimo siyang miyembro sa usa ka hugpong sa mga batan-ong magsusulat nga gitawag ug STUDENT PRESS.  Nahimo usab siyang   Associate Editor sa basahon  USC-JPIAN sa tuig 1962-63. Magtatampo usab siya isip magsusulat sa nasudnong magasin,  "Philippines Free Press" ug sa mga nag-unang peryodiko dinhi sa dakbayan sa Sugbo sa lunhaw pa ang iyang pangedaron. Nahimo siyang mamumuo sa usa ka pribadong kompaniya sa dakbayan sa Sugbo, ESCANO LINES, sulod sa napulo ug duha (12) ka tuig  dayon niyang tapon  ngadto sa NAPOCOR  ug nahimong kawani sa kagamhanan  sulod sa bayente dos (22) ka tuig. Niadtong tunga-tungang bahin sa tuig 2000, nilalin siya ngadto sa tinipong nasod sa Amerika ug sulod sa napulo (10) ka tuig, nagtrabaho siya sa  buhatan sa kagamhanan sa nasod sama  sa  UNITED STATES POSTAL SERVICE (USPS).  Karon sa pangedaron nga 68,  gihuptan gihapon niya ang walay pagkutat nga kadasig ug walay busganan nga kaikag sa pagpaambit sa iyang nahuptang abilidad  ug kabatid sa panulat.  Dili niya mapugngan ang kaugalingon sa pagpaambit sa iyang mga hunahuna labi na kon molambigit kini ug hisgotanan nga makadani sa iyang mga mata.)


Comments

Popular Posts