P A N G I L A D

PANGILAD

pulong nga magladlad,
lipat-lipat ang dad-on sa  ilad,

mga saad ug pasalig,
mokuha sa imong pagsalig,

tugob sa katam-is,
pahiyom niya mangandiis,

makapaluspad ang ilad,
sa pulong ug sa sulat moturok ang ilad,

maratsada hasta ang  igbabayad,
dili lalim ang mailad, imo’ng ulo maglabad,  

 ilad sa panghimaraot   han-okan,
sa dagkong alkanse mapasanginlan,

sa naghitak nga  pagpangilad,
katawhan magmaampingon’g dili mailad,

daghan ang sukaranan sa ilad
adunay  ilad,   kon   may  magpailad. 

Comments

Popular Posts