Kaban ni D_BystandeR: GIBABAGAN ANG NANGUYKOY SA KAMATUORAN???

GUARD STOPS DAVIDE SUPPORTER FROM INPECTING PJ MANSION. Security guards yesterday stopped members of the Volunteers for Jun-jun Davide from entering a village where the mansion of Rep. Pablo John Garcia, which is the subject of a complaint before the Office of the Ombudsman, is located. The group led by  Roberto Letaba said they went to Garcia's house in Guadalupe heights to conduct a "lifestyle check" after the congressman, who is running for governor under the One Cebu Party, had said that his house is "open to the public." Apan wala ko pasudla sa guard on duty ug kutob ra ko sa guard house kay gipahibawo na diay daan ni Pablo John nga dili gayud pasudlan ug pakuhaan ug footage ang iyang mansion," Letaba said. Anhi dinhi makita nga sukwahi sa iyang pamahayag nga "open to the public" ang iyang mansion dili pakuhaan ug footage aron dili makita sa katawhan ang kaluho ug kaharianon sa iyang panimalay o mansion nga buot sa usa ka supporter ni Jun-jun Davide nga ipa-"lifestyle check" tungod sa kalayo sa gintang sa iyang gideklarar nga kantidad sa iyang kabtangan (panimalay) gikan sa tuig 2009 ngadto sa tuig 2011 diin ang  kantidad sa iyang balay nga gireport sa iyang SALN sa tuig 2009 nga  P900 thousand lang, nahimo nang P10.4 million sa iyang SALN sa tuig 2011. Bisan unsaon ug pamalibad, klaro kaayo ug makita sa katawhan nga ang ilang giapas dili ang pagsilbi sa katawhan kon dili ang pagpaborot sa ilang bulsa taliwala sa naghitak nga kalisud sa panginabuhi sa kinabag-an sa atong katawhan.

(Bug-os ang  pasalamat sa KAHAYAG ngadto sa magtatampo nga nagkutlo sa taho sa usa ka peryodiko   nga si JOHNNY LOVE. Nagtakuban siya sa pangalan, "D_BystandeR".  Natawo siya sa Sugbo apan anaa na karon manimuyo sa Illinois sa tinipong nasod sa Amerika. Ang kusog nga koneksyon sa kasayuran pinaagi sa internet kanunayng naghaling sa iyang kadasig  pagtuki sa mga nagbukalbukal nga hisgutanan dinhi sa atong nataran. Usa siya ka magsusulat nga gradwado sa kursong komersiyo padulong sa pagka accountant sa University of San Carlos kaniadtong tuig 1961.  Nahimo siyang miyembro sa usa ka hugpong sa mga batan-ong magsusulat nga gitawag ug STUDENT PRESS.  Nahimo usab siyang   Associate Editor sa basahon  USC-JPIAN sa tuig 1962-63. Magtatampo usab siya isip magsusulat sa nasudnong magasin,  "Philippines Free Press" ug sa mga nag-unang peryodiko dinhi sa dakbayan sa Sugbo sa lunhaw pa ang iyang pangedaron. Nahimo siyang mamumuo sa usa ka pribadong kompaniya sa dakbayan sa Sugbo, ESCANO LINES, sulod sa napulo ug duha (12) ka tuig  dayon niyang tapon  ngadto sa NAPOCOR  ug nahimong kawani sa kagamhanan  sulod sa bayente dos (22) ka tuig. Niadtong tunga-tungang bahin sa tuig 2000, nilalin siya ngadto sa tinipong nasod sa Amerika ug sulod sa napulo (10) ka tuig, nagtrabaho siya sa  buhatan sa kagamhanan sa nasod sama  sa  UNITED STATES POSTAL SERVICE (USPS).  Karon sa pangedaron nga 68,  gihuptan gihapon niya ang walay pagkutat nga kadasig ug walay busganan nga kaikag sa pagpaambit sa iyang nahuptang abilidad  ug kabatid sa panulat.  Dili niya mapugngan ang kaugalingon sa pagpaambit sa iyang mga hunahuna labi na kon molambigit kini ug hisgotanan nga makadani sa iyang mga mata.)

Comments

Popular Posts