B O M B A

BOMBA

makapatay-og,  makapakurog,

molanog ug magdahunog,

kini ang bomba'ng gitanom,

sa atong  kaisog   mohakgom

ang bomba mokuha ug pagtagad

sa dunggan kini mopatingkag  

may kulbaan, may panington

ang  imong mata daw lamaton

may bomba'ng makapahinuktok,

dili masabot,  makapatiurok,

ikaw ilansang sa kahingangha,

magsiga na lang ang imong mata

bomba’ng modapit sa tinan-awan

maghatag ug kagil-as sa galamhan

motapot sa hunahuna’ng  nagmata

bomba,   sa tan-aw tagbawon ka!!!