BALIT-AD

pulong nga nagpasabot ug pagtuwad, pagbali ug pagbalitok,

timaan sa pag-usab sa naandang pamulong ug panglihoklihok

 makita  ang pagbalit-ad,  kabahin kini  sa tawhanong pagladlad,

sa kinaiyang mahiligon mag-usab-usab, dali  ra ang pagbalit-ad

adunay mobalit-ad   kay wala kapugong,  nadani sa  bag-ong saad,

 ayaw gayud pagkompiyansa basin may kasingkasing masamad,

kon dili mapugngan, imong nawong mausab,  imong buhok makalkag,

mura ka’g makakita ug abat,  imong barog ug postura magkayabag

sa imong pagkakusog mobalit-ad,  muabot ang adlaw’ng gikabalak-an,

masakpan ka  sa asawang tigre ug linihokan,  ikaw mahuwasan,

ilabi  na kon ikaw makit-an, masud-ongan samtang nagtagamtam

 sa katam-is nga nagbalit-ad, nagpauraray uban sa  bag-ong hinalaran.