Kaban ni Atty. J. B. Jimenez: P O L I T I K A....PULI, PULI UG TIKAS

Nganong Mo apil ka man sa Politikang Way Prinsipyo,

Mga Way Hibangkaagang Mga Gilugos Nga Kandidato,

Walay Ni Plataforma Ug Pulos Pamalit Ug Boto,

Kon Dili Na Makadagan Ang Apohan, Ipuli Ang Apo,

Walay Nahimo Sa Lungsod, Pulos Lamang Pamupho,

Unsay Dungog Sa Katungdanang Pinalit Sa Mga Tawo,

Dili Tinuod Nga Pinili, Gipaagi Sa Lipat Lipat Ug Sapo Sapo,

Pag Ka Alaut Gayod Kining Nasod Sa Mga Pilipino.

Pulos Mga Tig-pa ka-aron Ingnon Ug Mga Bakakon,

Kon Dili Madala Ug Pamalit, Ipaagi Sa Limbong nga Eleksyon,

Kon Mapili Na Way Laing Istilo Kon Di Kawaton, Tikason,

Magbuhat Ug Proyekto Aron Mabawi Ang Mga Milyon Milyon,

Kon Mapildi, Ipaagi Sa Protesta, Dili Gyod Motahan Dayon,

Kon Makadaug, Ang Mga Kontra Ipaagi Sa Pagkadumtanon,

Walay Paglaum Dinhi Ang Mga Tarong Ug Ligdong Nga Pilipinhon,

Kay An Mga gNagaharing Politika Puno' Sa Pagka Malimbongon.

(Bug-os ang pasalamat sa  KAHAYAG  ngadto sa nagsulat sa  garay    nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK)