Kaban ni Atty. J. B. Jimenez: MANANOY NGA MUSIKA. . . MAGAHOB NGA POLITIKA.....

Nagkalandrakas ang gahob sa mga hambog ug bakak,

Sa politika nga puno' sa paanagsangka' ug panagsupak,

Lahi sa mga nota sa musikang gihimong saloma ang mga balak,

Musiikang, sa iyang kalunsay, daw hunghong sa mga gihay sa bulak,

Mapahitas-on ang mga pokitikanhong hagit nga mobuak,

Sa kahilom nga inampingan luyo sa panghupaw ug mga hilak,

Mananoy Ang Musika daw mga bio-os sa rosas nga nangatagak,

Kay gipasipad-an sa politika bga kahakog ang nagatulod ug naga agak,

Masaba' ang politka kiat sa pangahas sa sa dagan ug ambak ambal,

Hangtod nga sa wallog sa mga luha' didto unya mahitumpawak..

Sa Musika, walay ni usa ka paglaum nga mahunlak,

Apan sa Politika itom ang dugos nga iyarok isip alak,

Politikang naag-om om ug pagbudhi sa iyang mga nipay ug suyak,

Sa Musika ibayaw ka sa himaya bisag dughan maghiyak hiyak,

Samtang sa Politika, sa kadaut ka mahinayak.....

(Bug-os ang pasalamat sa  KAHAYAG  ngadto sa nagsulat sa  garay    nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK)