Kaban ni D_BystandeR: SINUKLIAY SA HUNAHUNA

mang_tomas wrote, in response to D_BystandeR: maayong buntag adlawong Miyerkoles, October 10, 2012, sa tanan ilabi na kanimo higalang D_BystandeR. tukma ang imong panan-aw bahin ni Tansyong ug Tikay. hehehe. salamat kaayo kanmo ug sa patnubay. Link to comment D_BystandeR wrote: Lain na usab nga drama sa kinabuhi ang gihulagway dinhi uban sa atong duha ka nag-unang bida sa atong sugilanon nga sila si Tansyong ug Tikay. Mao nay giingon nga samtang ania pa ta sa walog sa mga buhi kinahanglan gyud nga atong ipakita ang atong pagkaresponsable nga motubag kun unsa may atong tulubagon. Usa na niini si Tansyong nga gipaninglan na ni Tikay sa resulta sa ilang gibuhat kaniadto. Apan yuna pa, daw duna pa kunoy kuwang ang gibuhat ni Tansyong aron makumpleto ang iyang gibuhat. Sa ubos nakong pagtimbangtimbang morag "buhok" na man lang tingali kuwang kay daku na man kuno ang tiyan ni Tikay, di ba? Makalingaw sab nga palandungon ang sunod nilang buhatonon. Hehehe...! (Bug-os ang  pasalamat sa KAHAYAG ngadto sa nagsulat niining  paambit   nga si JOHNNY LOVE. Nagtakuban siya sa pangalan, "D_BystandeR".  Natawo siya sa Sugbo apan anaa na karon manimuyo sa Illinois sa tinipong nasod sa Amerika. Ang kusog nga koneksyon sa kasayuran pinaagi sa internet kanunayng naghaling sa iyang kadasig  pagtuki sa mga nagbukalbukal nga hisgutanan dinhi sa atong nataran. Usa siya ka magsusulat nga gradwado sa kursong komersiyo padulong sa pagka accountant sa University of San Carlos kaniadtong tuig 1961.  Nahimo siyang miyembro sa usa ka hugpong sa mga batan-ong magsusulat nga gitawag ug STUDENT PRESS.  Nahimo usab siyang   Associate Editor sa basahon  USC-JPIAN sa tuig 1962-63. Magtatampo usab siya isip magsusulat sa nasudnong magasin,  "Philippines Free Press" ug sa mga nag-unang peryodiko dinhi sa dakbayan sa Sugbo sa lunhaw pa ang iyang pangedaron. Nahimo siyang mamumuo sa usa ka pribadong kompaniya sa dakbayan sa Sugbo, ESCANO LINES, sulod sa napulo ug duha (12) ka tuig  dayon niyang tapon  ngadto sa NAPOCOR  ug nahimong kawani sa kagamhanan  sulod sa bayente dos (22) ka tuig. Niadtong tunga-tungang bahin sa tuig 2000, nilalin siya ngadto sa tinipong nasod sa Amerika ug sulod sa napulo (10) ka tuig, nagtrabaho siya sa  buhatan sa kagamhanan sa nasod sama  sa  UNITED STATES POSTAL SERVICE (USPS).  Karon sa pangedaron nga 67,  gihuptan gihapon niya ang walay pagkutat nga kadasig ug walay busganan nga kaikag sa pagpaambit sa iyang nahuptang abilidad  ug kabatid sa panulat.  Dili niya mapugngan ang kaugalingon sa pagpaambit sa iyang mga hunahuna labi na kon molambigit kini ug hisgotanan nga makadani sa iyang mga mata.)