Kaban ni D_BystandeR: GIDAKOP SI NARCISO SA SALA'NG "PAGBATIL" ATUBANGAN SA PUBLIKO

Sobrang pagpakauwaw sa kaugalingon ang gibuhat niining usa ka lalaki, (ang pangalan gitago lang nga usa ka "Narciso,") ug nahitabo kini didto sa syudad sa Dabaw diin gikataho nga "nagbatil" sa iyang kaugalingong kinatawo atubangan sa usa ka babaye, nga gitago lang sa pangalan nga "Maja," 29.

 Kining balita nahitala sa blotter sa kapolisan sa Sta. Ana Police Station. Dugang impormasyon nga nahipos sa Superbalita gikan sa desk officer nga mihangyo kuno ang suspek ngadto sa babaye nga di una siya mogawas sa kwarto kay buot pa niyang "magpahuwas!" Kon ang tanang manlulugos, misuon pa unta sa gibuhat niining tawhana, bisan ug sayop ug dakong salawayon ang iyang gibuhat atubangan sa maong babaye apan makaingon sab ta nga mas maayo na lang ning iyang gihimo nga pagpakauwaw sa iyang kaugalingon atubangan sa babaye nga iyang gikaibgan kay sa manlugos, ug ang uban ra ba way kukalooy nga mopatay sa biktima. Kay niining matanga sa "krimen" sayon ra man ang pagsikop niya ug unya nasalbar pa gyud ang kaputli ug kinabuhi sa babaye gikan sa makalilisang nga sala sa pagpanlugos. Apan pipila ra man ka buok ang makaako sa paghimo niini, abir? Ang wa isaysay sa balita kon ang lalaki amang ba ug dili makasulti maong nakabuhat sa ingon, hehehe!