LUMAY

kahigwaos ang bation kon ikaw gilumay,

pagbating kapungot mangalanay ug malukmay,

sa mga mahilig sa tsismis ug motuo-tuo,

ang lumay kuno, binuhatanan sa magtinunto,

gikan sa singot, inagos, hinubo ug hinugas,

tanan isambog sa lumay, ipatulo ug ipaagas,

aron ang gidigahan dili makapangulipas,

ang kanhing kayugot hulipan, mahanaw, mapapas,

ang babayeng malumay, magpamahit

kanunay'ng manitsit, manawag ug mangablit,

ang lalaking malumay, magpaantaw,

iyang ugat manuyhakaw, abtik moaninaw

magpangita sa babayeng naglumay,

kanunay’ng gutom sa bingkang inandam ni Inday.

KAHAYAG